भारत की संस्कृति के लिए... भाषा की उन्नति के लिए... साहित्य के प्रसार के लिए

हाम्रो नेपाल / महानन्द सापकोटा

Kavita Kosh से
यहाँ जाएँ: भ्रमण, खोज


हिमालका काखमा छ हाम्रो राम्रो देश
हाम्रो देशजति राम्रो संसारमा के छ ?
हेर कति रमाइलो हाम्रो नेपाल ।

पाहारिला पखेरामा खोलावरिपरि
सालिम्मो र बाबियो-खरूकिका धारी
हेर्दा कति राम्रो लाग्छ हाम्रो नेपाल

लाहाँचेको मिहिनेत, गौंथलीको शिप,
बकुलाको धीरता र मयुरको नाच,
चारै गुण शिकाउँछ हाम्रो नेपाल ।

बानरका बथानले उफ्री रूख-रूख
देखाउँछन् नेपालीको जारिलो ढप,
जाडरको घर हो हाम्रो नेपाल ।

थुतुनामा पात चेपी हरिनका हांच
परस्पर ग्राङ दलि भन्छन मनसित
शान्ति दिने देश हो हाम्रो नेपाल ।
 
ढुक्क मानी मुडुली झाँफतिर हेरी
आकाशको शुन्छे बोलि घिचों टेढो पारी
प्रेम मय देश हो हाम्रो नेपाल ।

निगालेको निर्जनको गर्जनको घन्को
शुन्दै जान्छ नेपालका दुश्मनको सातो,
वीरताको भूमि हो हाम्रो नेपाल ।

घमाइला पाखा अनि घुमाउरा नागी
गीत गाउन् गोठालाले तिहीं नाची नाची
पाउला के उपमा हाम्रो नेपाल ।

असारका रोपाञी र मङसिरका दाञी
हेर्न झर्छन् इन्दु पनि रूप छिपाई
गन्धर्वले झुराउँछन् हाम्रो नेपाल ।

नेपालका छोरा-छोरी जाउन जति टाढा
देशभक्ति हृदयमा हुन्छ उति गाढा,
बिर्सन को सक्ला अहो हाम्रो नेपाल ।

मादलको ताल टिपी "छम्म नानी" गाई
घुमी--घुमी नाचिएको जीउ मरकाई
झलझल सम्झिनेछ हाम्रो नेपाल .

तीज पनि पश्चिमीको सँगिनैको सुर
रहरमै रात जाने पालो नपुगेर
तुम्बुरूको देश हो हाम्रो नेपाल ।

फेरो मारी गीत गाई धान-नाच नाची
वसाएका पीरती देउता भाकी-भाकी
जति सम्झ उति राम्रो हाम्रो नेपाल ।

रतेलीका उटाङ र मारूनीका पारा,
गाइ जात्रा हेर्न लाग्ने रमितेका धारा
सम्झाउँछन् विदेशमा हाम्रो नेपाल ।

चायन । र सोरटी देउडि र रोदि
वैस हुँदा खेलिएको जोडी रोजी-रोजी
सम्झंदैमा राम्रो लाग्छ हाम्रो नेपाल ।

आदर्शले भरिएको इतिहास पढी
खिया झारी राम्रो पारी हीरा मोती जडी
संसारको रोजा पारौं हाम्रो नेपाल ।

हाम्रो नेपाल-बाट २००८