भारत की संस्कृति के लिए... भाषा की उन्नति के लिए... साहित्य के प्रसार के लिए
हालखबर / रमेश क्षितिज
Kavita Kosh से
Sirjanbindu (चर्चा | योगदान) द्वारा परिवर्तित 19:37, 23 सितम्बर 2016 का अवतरण ('{{KKGlobal}} {{KKRachna |रचनाकार= रमेश क्षितिज |अनुवादक= |संग्रह= आ...' के साथ नया पृष्ठ बनाया)
खोलीले बग्न छाडे नि बगरको छाती चिसै छ
सम्झना गहिरो आँखैमा, मनमा पीर उस्तै छ
तर म भन्छु बेसै छ, बेसै छ !
तिमीले दियौ तिर्सना अधूरो एउटा सपना
भन्न त भनेँ बिर्सिन्छु सकिनँ मैले बिर्सन
लुकेको मर्म उस्तै छ, दुःखेको घाउ उस्तै छ
कमलो मेरो मुटुलाई सहनुपर्ने निकै छ
तर म भन्छु ठीकै छ, ठीकै छ !
नभोगी दुःख बुझिन्न आँसुले पीर धोइन्न
मनैले एक्लो भए त भीडमा खुसी भइन्न
तिर्खाले आँत जल्दै छ, उमेर त्यसै ढल्दै छ
हेरेर चोट देखिन्न नदुख्ने ठाउँ कमै छ
तर म भन्छु सञ्चै छ, सञ्चै छ !
