हिमालका कुरा गर्यौं, गुराँसका कुरा गर्यौं / दिनेश अधिकारी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दिनेश अधिकारी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हिमालका कुरा गर्यौं, गुराँसका कुरा गर्यौं
देशभक्ति देखाउन शहीदका कुरा गर्यौं
बेला भयो आऊ अब इमानको कुरा गरौँ
बिरामी छ देश अहिले निदानका कुरा गरौँ

लुकीचोरी देशको भाग आफैँले पो खायौ कि
धितो राखी यो देशलाई नयाँ लुगा लायौँ कि
आफैँसँग सोधौँ अब कहाँ कहाँ हामी चुक्यौँ
कुन ठाउँमा लड्खडायौँ, कहाँ कहाँ हात झिक्यौँ

मुखले बुद्ध भने पनि मनले चुत्थो भयौँ कि
जसले जे जे गरे पनि हेरिमात्र रह्यौँ कि
आफैँसँग सोधौँ अब कहाँ कहाँ हामी झुक्यौँ
कसको पछि लाग्यौँ हामी, आपसमा किन फुट्यौँ?