भारत की संस्कृति के लिए... भाषा की उन्नति के लिए... साहित्य के प्रसार के लिए
अहो भाय! / संजीव कुमार 'मुकेश'
Kavita Kosh से
Rahul Shivay (चर्चा | योगदान) द्वारा परिवर्तित 20:32, 23 सितम्बर 2018 का अवतरण ('{{KKGlobal}} {{KKRachna |रचनाकार=संजीव कुमार 'मुकेश' |अनुवादक= |संग्...' के साथ नया पृष्ठ बनाया)
अहो भाय!
साथे-साथ डेग तो बढ़ाबऽ
सौ आऊ पचास नञ् तऽ
एक पेड़ लगाबऽ
अहो भाय! साथे-साथ डेग तो बढ़ाबऽ।
अनमोल जीवन हे,
अनमोल सांस।
धरती होत हरियर तऽ
जीवन के आस।
पहले तनी बुझऽ, दूसरो के बुझाबऽ!
अहो भाय!
साथे-साथ डेग तो बढ़ाबऽ।
भोरे-सांझ मिलके चलऽ
करबई गलबात।
अहरी, अलंग ठमा,
रोपबई दूगो गाछ।
एसीओ ठंढ़ा हवा, जन के खिलाबऽ।
अहो भाय!
साथे-साथ डेग तो बढ़ाबऽ।
हरियर हई धरती ओजय,
लपसऽ हई बदरा।
बाद में पछतईहाऽ
मनइहऽ सुखल अदरा।
जन-जन के जिनगी, साथे मिल के बचाबऽ।
अहो भाय!
साथे-साथ डेग तो बढ़ाबऽ।
डेऊढ़ी की अंगना,
आऊ रोड के किनारे।
घरे-घर पेड़ बाँटऽ
दुआरे-दुआरे।
मिलतई गुठलियो के दाम, दूसरो के सीखाबऽ
अहो भाय!
साथे-साथ डेग तो बढ़ाबऽ।
