भारत की संस्कृति के लिए... भाषा की उन्नति के लिए... साहित्य के प्रसार के लिए
आबें तॅ जाना / सुधीर कुमार 'प्रोग्रामर'
Kavita Kosh से
Rahul Shivay (चर्चा | योगदान) द्वारा परिवर्तित 08:14, 15 सितम्बर 2016 का अवतरण ('{{KKGlobal}} {{KKRachna |रचनाकार=सुधीर कुमार 'प्रोग्रामर' |अनुवादक...' के साथ नया पृष्ठ बनाया)
बदरा रे!.. अँगना मे आबें तॅ जानौं
हुनको संदेषा सुनाबे तॅ जानौं।
पिया दूर परदेष गेलै तॅ गेलै
हमरो दरद मॅ समाबें तॅ जानौं।
विजली जों छिटकै नजर चैंधियाबै
नसीबोॅ के बिजली जलाबें तॅ जानौं।
गरीबोॅ पे ठनका गिराबै छैं कहिनें
गरीबी पे ठनका गिराबें तॅ जानौं।
यहाँ बेग, झिंगुर तॅ गैबे करै छै
नागिन सेॅ सोहर गबाबोॅ तॅ जानौं।
