भारत की संस्कृति के लिए... भाषा की उन्नति के लिए... साहित्य के प्रसार के लिए
आश / लक्ष्मण पुरूस्वानी
Kavita Kosh से
मुसीबतूं, मायूसियूं सूर
ऐं उदास चेहरा दिसी
उदास थी हर रोज सुमिही पवन्दों आहियां
ऐं सुबह सवेरे उमेदुनि जा किरणा
दिल में सांढे उथन्दो आहियां
पर अफसोस
मां वरी उहोइ सभि दिसां थो
नाउमेदगी, सूर ऐं सूरनि संदा चेहरा
तदहिं बि हौंसलो न थो हारियां
ऊंदाहिनि जे सैलाब में बि ॿुदां नथो
ऐं हर सुबुह उथां थो वरी वरी
सुखनि जी आश खणी
खिलन्दड़ चेहरनि जो तसवुर खणी
कदहिं त सचा थींदा मुहिंजा सुपना
खुशीअ जी बरसात थींदी
ऐं मुसीबतुनि जा कारा ककर
इण्डलठी रंगनि सां रङियल हून्दा
