भारत की संस्कृति के लिए... भाषा की उन्नति के लिए... साहित्य के प्रसार के लिए
इन्द्रजालिनी / सुरेन्द्र झा ‘सुमन’
Kavita Kosh से
इन्द्रजालिनी प्रकृति - नटीकेर चमत्कार ई साओन-भादव!
दिनमे रातुक दृश्य तमोमय, विद्युत बल निशि दिवस ज्योतिमय
माझ-माझमे साँझक सुन्दर दृश्य देखाय हृदय हुलसाबय
सूर्य-चन्द्र तारावलीक कय लोप लोक विस्मित करइत नव
इन्द्रजालिनी प्रकृति नटीकेर चमत्कार ई साओन-भादव।।1।।
वीरबधूटी लाल ढेर ई जलसँ-आगिक वृष्टि भेल की?
असह छनहि अछि उषम उमस झझाक झोँक झट झमकि गेल की?
आतप - छाया नव-नव माया रचइत मोहय, विश्व चकित सब!
इन्द्रजालिनी प्रकृति नटीकेर चमत्कार ई साओन-भादव।।2।।
