भारत की संस्कृति के लिए... भाषा की उन्नति के लिए... साहित्य के प्रसार के लिए
इस्कूल चल / अंजनी कुमार सुमन
Kavita Kosh से
गोली बकरी उजरी गाय
हिन्दी इस्कुल चल रे भाय
जहाँ मिलै छै शिक्षा ऊँचा
खाली नै पहनाबै टाय
गोली बकरी उजरी गाय
हिन्दू इस्कुल चल रे भाय।
सब इस्कुल के नाम बड़ा छै
अप्पन के तेॅ काम बड़ा छै
जहाँ के शिक्षक लगै बाप सन
मसटरनी लागै छै भाय
गोली बकरी उजरी गाय
हिन्दी इस्कुल चल रे भाय।
इंगलिस इस्कुल में की पढ़ना
जेकरा आबै जेब कतरना
झुटठो रटबै डैडी-हैल्लो
मुरनिंग-फुरनिंग टाटा-बाय
गोली बकरी उजरी गाय
हिन्दी इस्कुल चल रे भाय।
