भारत की संस्कृति के लिए... भाषा की उन्नति के लिए... साहित्य के प्रसार के लिए
उम्मीदां अर निजर / ॠतुप्रिया
Kavita Kosh से
म्हूं
दो मईनां री होई
जणां बापूजी आया
आपरै कैम्प स्यूं
घरां
म्हूं सोच्यौ
कै बै’ मन्नै
गोदयां में लेय’र
दैला हींडा
म्हारा करसी लाड-कोड
ल्यैला प्यारिया
अर करसी
घणी सारी बातां
आखै देस रा रुखाळा
म्हारै बापूजी स्यूं
म्हूं
भौत उम्मीदां
पाळ राखी
क्यूंकै
म्हूं बापूजी री ही
घणी लाडली पाखी
मा स्यात
बापूजी री
निजरां पिछाणली
जदी बा’
घणी ई चीखी-चिरळाई
कै
ईंयां नां कर डाकी
पण बापूजी
किणी री नीं सुणी
बां’
मन्नै बाळ्टी में
डबो-डबो’र
मार नाखी।
