एक दिन बीति गेल, ओहिना अनेरें / धीरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

धीरेन्द्र » करूणा भरल ई गीत हम्मर »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

एक दिन बीति गेल, ओहिना अनेरें
एहिनाकए रीति गेल कते-कते हमर दिन।
एहिनाकए बीति गेल कते-कते हमर वर्ष।
वयकेर पनिभरनीकेर फूटि गेल ढेर घट।
अरसि-परसि थाकि गेल आइ हमर अरे बाँहि।
मरूयलमे मुदा आइ लागि रहल वाटिका।
सोच करत मालि किए जँ ओकरा भगाओल गेल।
रोपबाकेर अन्त भेल आइ यदि नाटिका।
रिक्त रिक्त आइ हम, भरल-पुरल गाछ अछि,
पसरल संसार अछि चलबाले पयार हमर,
करबा ले हाथ हमर, लागल अछि सिरजनकेर
रोग यदि हमरा, कहू मीत भेल आइ कोनो बेरे।
ओना साँचा बीति गेल एक दिन अनेरे !!