कखनि पननि खे सहेड़े त वठूं! / अर्जुन हासिद

कखनि पननि खे सहेड़े त वठूं!
छणियल गुलनि खे संजोए त वठूं!

हवा खे छिड़िॿ इएं छो थो ॾीं,
वणनि जी लोॾ निहारे त वठूं!

मिलूं जॾहिं बि, रुॻो खीकारियूं,
कशिश जे माण खे मापे त वठूं!

ॾुखियो न थींदो कॾहिं ॻाल्हाइणु,
अखर जो अर्थु को सोचे त वठूं!

ॻिलनि ते मुरिक चपनि ते माना,
मगर की दिल में बि ॻोल्हे त वठूं!

अखियुनि जी ॻाल्हि जी खुशबू हासिद,
जीअण जे ॾांव सां परखे त वठूं!