भारत की संस्कृति के लिए... भाषा की उन्नति के लिए... साहित्य के प्रसार के लिए
काशी गो छोरौ / राजेन्द्र देथा
Kavita Kosh से
काशी गो छोरौ
आवै स्यैर स्यूं गांव
चंद्रयान परछेपण आले दिन
काशी उण री ऊडीक मांय
टेशण माथै बैठ्यौ फूंकै
बीड़ी माथै बीड़ी लारला दो घंटां ऊं
छोरौ आंवतौ इ पगां लाग'र
बतावै बापू नै-
"बापू आज आपणै देस
चांद माथै राकेट भेजण री खेचल करी है"
काशी इण बात नै
पांचवी बीड़ी सागै उडाय'र केवै-
"दरडे़'म जावै चांद अर दूजै'म देस
तू तो ओ बता नै'र मांय पाणी कद आसी?
"कीं पतौ?
