भारत की संस्कृति के लिए... भाषा की उन्नति के लिए... साहित्य के प्रसार के लिए
कियां समझाऊं / राजूराम बिजारणियां
Kavita Kosh से
कियां समझाऊं
भाईजी.!
कै क्यूं पैर्या
थारा गाभा
हुई कियां हिम्मत
थारो रूमाल लेवण री
कोनी पैरूं फगत
फुटरापै सारू.!
कवच री गरज पाळै
थारा गाभा
ढाल बणै रूमाल
बधावै हौसळो ई
किणीं बडेरै दांई
हर बगत
घर सूं
निकळती बेळा!!
इण नाजोगै बगत में
थारा गाभा पैरण रो मतळब
धणियाप ई हुवै
आप माथै।
