भारत की संस्कृति के लिए... भाषा की उन्नति के लिए... साहित्य के प्रसार के लिए
ख़ुदा जो तसव्वुर / हरूमल सदारंगाणी ‘ख़ादिम’
Kavita Kosh से
आहीं!
नाहीं!
छाहीं!-
खुद थो ॼाणीं
पर
तोखे
नओं रूप ॾिनो आहे मूं
किअं?
छो?
ऐं कॾहिं?-
तोखे ॿुधायां थो हाणि।
ॾाढनि जो हो राॼु
ऐं मां पिए पीड़ियुसि
फ़रियाद करियां
त कंहिंखे?
उम्मीद रखां
त कंहिं में?
अहिड़ी न मजाल
वात मंझां
ॿिड़िक कढां!
पंहिंजी मर्ज़ीअ
इरादे सां
कुझ बि करियां!!
पर हीउ बि ॾिठाुमि:
ॾाढो खुद ॾुख थो ॾिसे
कुझ वक्त जीअण बाद
खपी खाॼी वञे!
झट आयो तसव्वुर
त मिड़ियो ई को आहि
क़ादिर बेपरवाह
ॾाढनि ते पुणि हुकुम हले थो जंहिंजो
जो चाहे
त
पीड़ीनि
रुलाईनि
पिनाईनि
हिक मिंट में मारीनि।
हू सभु थो ॾिसे
ॿुधे
करे
जिअं चाहे
यानी
त अथसि अखियूं
ॿ कन ऐं हथ पेर
हर ॻाल्हि खे समझण लइ कु़व्वत ऐं दिमाग़।
इनपर
ठाकुर ठाहे
तोखे
पुॼियुमि।
