भारत की संस्कृति के लिए... भाषा की उन्नति के लिए... साहित्य के प्रसार के लिए
गप्पड़चौथ / निशान्त
Kavita Kosh से
सेठाइज्या है अब तो
राज रा धणी बी
सारी मळाई आप-आप ई
खाणी चावै
अलबत तो काम कींनै’ई
देवै कोनी
अर जे देवै तो
लाद देवै गाडो अेक भार
चायै बो लाई
हुयज्यै बेओसाण
अर चिड़चिड़ो
कट ज्यावै
परवार,समाज अर दुनियां स्यूं
पण इण स्यूं
बां री
चीकणी अर जाडी चामड़ी माथै
के असर हुवै
बांनै तो चाइजै
आपरै कारखानै मांय जूझता
बेजान पुरजा ।
