भारत की संस्कृति के लिए... भाषा की उन्नति के लिए... साहित्य के प्रसार के लिए
गरीबी-रेखा / शिवराज भारतीय
Kavita Kosh से
बै मोकळी कोसिस करै
किंयां ई निकळां बारै
पण
कदै काळ
कदै ओळा
अर कदै धंधै रा रोळा
नीं निकळण दयै
वांनै
उण लीक सूं बा‘रै।
‘शेयर बाजार’ रो
छाळा मारतो सूचकांक
बधा सकै
कम्पनियां री ई.पी.एस (अर्निंग पर शेयर)
पण
घटा नीं सकै
उण लीक नै।
इजगर ज्यूं बधती लीक
सालूं साल
भख लेवै अणूंतै मिनखां रो
अर करै बधेपो
वांरै वंस रो।
