भारत की संस्कृति के लिए... भाषा की उन्नति के लिए... साहित्य के प्रसार के लिए
गर्मी - १ / अबीर खालिङ
Kavita Kosh से
आगोको साइरन बजाएर
ऊ
हाम्रो सहरमा पसेको छ
‘लु’को बुट बजार्दै-
गरेको छ आनन्दको चीरहरण ।
रिक्सावालको खोकिलामा च्यापिएर
घुमिहिँडेको छ सहरमा ।
ज्यामीको निधारमा/
भरियाको थाप्लोमा
टलक्क टल्केको छ उसको हाँसो
सडकको छात्तिमा सल्केको छ उसको सास।
वातानुकूलित कोठाबाट फुत्त बाहिर निस्केर
किन अठ्याँको श्रमिकको निर्वल निस्सहाय प्राण ।
किन चुसेको खेतमा सपना रोप्ने किसानको
शरीरको पानी ।
सडकको पेटीमा गिटी कुट्ने मजदुरको
किन चाख्न खोजेको खुन।
‘वान्टेड’ आतङ्ककारी भएर
पसेको छ ऊ हाम्रो ठाऊँमा
अपहरण गरेको छ
हाम्रो जाँगर/ जोस र शान्ति ।
