भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली उत्तरकाण्ड पद 21 से 30 तक/पृष्ठ 11
Kavita Kosh से
(29)
तौलों बलि, आपुही कीबी बिनय समुझि सुधारि |
जौलों हौं सिखि लेउँ बन रिषि-रीति बसि दिन चारि ||
तापसी कहि कहा पठवति नृपनिको मनुहारि |
बहुरि तिहि बिधि आइ कहिहै साधु कोउ हितकारि ||
लषनलाल कृपाल! निपटहि डारिबी न बिसारि |
पालबी सब तापसनि ज्यों राजधरम बिचारि ||
सुनत सीता-बचन मोचत सकल लोचन-बारि |
बालमीकि न सके तुलसी सो सनेह सँभारि ||
