भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली पद 81 से 90 तक/ पृष्ठ 7
Kavita Kosh से
(87)
स्ुजन सराहैं जो जनक बात कही है।
श्रामहि सोहानी जानि, मुनिमनमानी सुनि,
नीच महिपावली दहन बिनु दही है।1।
कहैं गाधिनंदन मुदित रघुनंदनसों,
नृपगति अगह, गिरा न जाति गही है।
देखे-सुने भूपति अनेक झूठे झूठे नाम,
साँचे तिरहुतिनाथ, साखि देति मही है।2।
रागऊ बिराग, भोग जोग जोगवत मन,
जोगी जागबलिक प्रसाद सिद्धि लही है।
ताते न तरनितें न सीरे सुधाकरहू तें,
सहज समाधि निरूपाधि निरबही है।3।
ऐसेउ अगाध बोध रावरे सनेह-बस,
बिकल बिलोकति, दुचितई सही है।
कामधेनु-कृपा हुलसानी तुलसीस उर,
पन-सिसु हेरि, मरजाद बाँधी रही है।4।
