भारत की संस्कृति के लिए... भाषा की उन्नति के लिए... साहित्य के प्रसार के लिए
गोळी / प्रमोद कुमार शर्मा
Kavita Kosh से
कारीगर!
म्हूं सगळी दुकानां अर
कारखानां पर भटक‘र
थारै तांई आयौ हूं!
सुण!
तूं म्हारौ ऐक काम कर दे
ओ लै पिस्तौल
देख इण री नाळ
अर नाप लेय‘र
बणा दे ऐक गोळी!
पण
म्हारी एक सरत है
कै इण गोळी स्यूं
मरणा चाइजै
सिर्फ एक ही धरम रा लोग!
अर बो धरम है
.................
कांई हुयो कारीगर ?
म्हारौ मुण्डो क्यूं तकोवै है ?
कारीगर! ओ कारीगर!
