भारत की संस्कृति के लिए... भाषा की उन्नति के लिए... साहित्य के प्रसार के लिए
चान आरो भारत / जटाधर दुबे
Kavita Kosh से
भारत ही छै देश जहाँ सभ्भैं
हमरा मामा कहै छै,
माय सीनी अपना बच्चा केॅ
चानोॅ के टुकड़ा कहै छै।
आशिके भी अपना महबूबा केॅ
अक्सोॅ में हमरा निरखै छै,
हमरा गोदी लै के सपना
सभ्भै बुतरू
हर शिशु के मनोॅ में पलै छै
हमरोॅ भी छेलै अभिलाषा,
कहिया से तोरा निहारै छेलियै।
पन्द्रह दिनोॅ से मनोॅ रोॅ पंछी,
आकुल होय केॅ चीत्कारै छेलै,
तोंय ऐल्हेॅ तेॅ, धीरज रोॅ बंधन
टूटी गेलै,
हम्में रोकेॅ नै सकलियै
हमरा माफ़ करी दिहोॅ भारत।
