भारत की संस्कृति के लिए... भाषा की उन्नति के लिए... साहित्य के प्रसार के लिए
चेतोॅ / राकेश रवि
Kavita Kosh से
गाँव केॅ भैया स्वर्ग बनावोॅ! सहयोगोॅ के बात चलावोॅ!
झगड़ा झंझट आरो कचकच, फूटपरस्ती, बकबक-झकझक,
गाँव सें एकरा तुरत भगावोॅ! गाँव केॅ भैया स्वर्ग बनावोॅ!
की हेने केॅ लड़ता रहवौ; गाँव केॅ आपनोॅ नरक बनैवी।
वैर भूलो केॅ प्रेम बढ़ावोॅ; गाँव के भैया स्वर्ग बनावोॅ!
व्यर्थ समय तोहें काटै छोॅ, को बल्हौं पर इ फाटै छोॅ,
हेना केॅ नै उमर गमावोॅ; गाँ के भैया स्वर्ग बनावोॅ!
खेतोॅ में हरियाली लानोॅ! आपनो भागोॅ पर नै कानोॅ;
उस्सर-टिक्कर में उपजावोॅ! गाँव के भैया स्वर्ग बनावोॅ!
स्वर्ग छेलै इ; नरक बनैली; कत्तेॅ इनरासन सुख पैलौ?
सोना केॅ नै राख बनावोॅ! गाँव के भैया स्वर्ग बनावोॅ!
