भारत की संस्कृति के लिए... भाषा की उन्नति के लिए... साहित्य के प्रसार के लिए
जब एँगना में ऐलै धूप / दिनेश बाबा
Kavita Kosh से
जब एँगना में ऐलै धूप
निखरी उठलै घर के रूप
ओस कनो में चमकै छै
छपरी पर पटुबैलो धूप
करकै खूब ईंजोर कोठरी
ओसरा पर छिरियैली धूप
गाछी केरोॅ फुलंगी ताँय
छै सगरो विखरैलो धूप
भिन्नी लागै खूब सुहानों
कन कन में ओझरैलोॅ धूप
छित्ती-बित्ती लगै दुफरिया
पर सँझकी मरूवैलो धूप
