जागोॅ बाबू जागो भैया / मनोज कुमार ‘राही’
जागोॅ बाबू जागो भैया करे छियौं आह्वान हो,
जागोॅ हर नव जवान आरो जागो किसान हो।।
देशवा में चारोॅ तरफ संकट छै महान हो,
जागे में यदि देर करभोॅ मिटी जइतौं पहचान हो
बड़ी जतन से मिललै देश के आजादी,
लाखों शहीद होलै करोड़ौं के बरबादी,
धन्यधन्य नेता हमरो भगत, सुभाष, गाँधी,
हिनकर त्याग, तपस्या से मिललौं आजादी
आबोॅ किसान भैया छेड़ोॅ नया संग्राम हो,
समय पर बीज, खाद, पानी, मेहनत से करो काम हो,
उपजा ठीक सें होतौं तेॅ पइभोॅ इनाम हो,
बच्चाबुतरू केॅ पढ़ावोॅ बनावोॅ महान हो
आबोॅ नवजवान आबोॅ उठलोॅ छै तुफान हो,
खुद के बनावोॅ नेक आरो इन्सान हो,
छया, धर्म आरो सच्चाई सें जागतै हिन्दुस्तान हो,
स्वराज आरो सुराज से लहलहैतै हर ग्राम हो
आवो बाबू, आवो भैया, करै छियौं आह्वान हो,
सभ्भै मिलीजुली चलोॅ देखोॅ अइतै नव विहान हो,
बड़ोॅ सें बड़ोॅ संकट के मिली केॅ हम्में भगैबै,
देशवा के खातिर हम्में देवै आपनोॅ प्रान हो
