भारत की संस्कृति के लिए... भाषा की उन्नति के लिए... साहित्य के प्रसार के लिए
जितबै ई संसार / संवेदना / राहुल शिवाय
Kavita Kosh से
हिली-मिली केॅ काम जे करबै
जितबै ई संसार |
जीवन मेॅ होतै हरियाली
सब्भे दुख बिसरैतै,
होतै झटपट काम भी पूरा
जों सब हाथ लगैतै,
हँसी-खुशी के गीत बाजतै
होतै नित त्योहार,
हिली-मिली केॅ काम जे करबै
जितबै ई संसार |
सालोॅ-साल फूट के कारण
रहलै देश गुलाम,
अभियो इहेॅ फूट के कारण
होवै नय छै काम
आपस में मिलला-जुलला सेॅ
बढतै भैया प्यार,
हिली-मिली केॅ काम जे करबै
जितबै ई संसार |
रचनाकाल - 01 मई 2009
