भारत की संस्कृति के लिए... भाषा की उन्नति के लिए... साहित्य के प्रसार के लिए
झबळकै प्रीत सूं समदर अणूती आस में / भंवर कसाना
Kavita Kosh से
झबळकै प्रीत सूं समदर अणूती आस में
बांधबा कद आवै कोई चुळू रै पास में
लाड सूं निरखै पीणा स्यांप उण नै
पीवै है कोउ सूं उणरो गरल हर सांस में
बो देवता है इण जगत रै वास्तै
आयग्यो आडो किणी रै त्रास में
उणारो खातमो करणो धरम री बात होवैला
लुक्योड़ी सिरजणा लूंठी जिणा रै नास में
बो पूग नै लिखसी ताक पै जीत रा आखर
काटसी कांटां री डांडी मुळकती हास में
