भारत की संस्कृति के लिए... भाषा की उन्नति के लिए... साहित्य के प्रसार के लिए
टूटग्या म्हारा खांदा / नरेश मेहन
Kavita Kosh से
आपरा काम काढण
लोगड़ा बरतै
हरमेस
म्हारा ई खांदा।
म्हनै ठाह ई नीं पड़्यो
कदै ई इण रो
नीं कदै ई खांदा बोल्या
पण बरतीजता रैया।
एक दिन
हद पार होयगी
म्हारै खांदा बैठ
म्हारै ई गांव में
कोई लाय लगाग्यो
दंड पण मिल्यो
म्हारै खांदा नैं
खांदा दूख्या
रोया-कूक्या-बरड़ाया
पण सुणीं नीं कोई उण दिन
अणमणां होय
टूटग्या म्हारा खांदा।
