भारत की संस्कृति के लिए... भाषा की उन्नति के लिए... साहित्य के प्रसार के लिए
ठिठुरै छै दिन-रात /रवीन्द्र चन्द्र घोष
Kavita Kosh से
गाछी के फुनगी पर देखोॅ
किरण केन्होॅ पसरी-पसरी केॅ
इतरावै छै छितरावै छै
पत्ता पर ससरी-ससरी केॅ
गाछी केॅ ठंढा लगलोॅ छै
धूपोॅ में सेकी रहलोॅ छै
ठंढा एतना पड़ी रहलोॅ छै
देह-हाथ काँपी रहलोॅ छै।
जीवोॅ केॅ तेॅ चैभे करियोॅ
ओढ़ै खातिर कम्बल-लिहाफ
मतुर गरीबी एतना छै कि
नाँगटे ठिठुरै छै दिन-रात।
