भारत की संस्कृति के लिए... भाषा की उन्नति के लिए... साहित्य के प्रसार के लिए
तिमी आउँदा / सुमन पोखरेल
Kavita Kosh से
तिमी आउँदा निदाएको रहेछु भने तिमी नरिसाउनू
ब्यूँझाउनू मलाई तिमीले या छेऊमा आई निदाउनू
कोठा मिलाई केहीबेर पर्खेँ, तर तिमी आइनौ
भान्साका काम धेरै थिए होला शायद तिमीले भ्याइनौ
सकेर काम कोठामा आई सुस्तरी मलाई चियाउनू
ब्यूँझाउनू मलाई तिमीले या छेउमा आई निदाउनू
कोठामा आई ऐनाअगाडि शायद आफैँलाई हेर्दी हौ तिमी
मेरो छेऊ आई आहटले ब्यूँझाउन मलाई खोज्दी हौ तिमी
छेउमा आई औँलाहरूले सुस्तरी मलाई चलाउनू
ब्यूँझाउनू मलाई तिमीले या छेउमा आई निदाउनू
