भारत की संस्कृति के लिए... भाषा की उन्नति के लिए... साहित्य के प्रसार के लिए
तू सुन्दर बिहान लागेलू / हरेश्वर राय
Kavita Kosh से
तोहके सुन्दर बनवले भगवान
पूनम के तू चान लागेलू,
रंग देहियाँ के सोना समान
तू सुन्दर बिहान लागेलू I
सेउआ सरीखा कपोल लाले-लाले
सुन्दर मस्त नयन मतवाले,
ओठवा तहार रस खान
तू मेनका समान लागेलू I
खीरा के बिया सरीखा दांत पाँती
गरवा तहार बा सुराही के भाँती,
मीठ बोलिया लवाही समान
खुदा के बरदान लागेलू I
तहरा के देखी भँवरा बउराला
सुन्दर फूल समझि मेंड़राला,
झूठ जायसी के नायिका बखान
बसंत के उठान लागेलू I
