तोॅही कहोॅ शिशिर / ऋतु रूप / चन्द्रप्रकाश जगप्रिय

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

चन्द्रप्रकाश जगप्रिय » ऋतु रूप »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

शिशिर
जबेॅ तोरोॅ मोॅन
पकलोॅ बेर आरोॅ नारंगी रं सरस छौं
रस सेॅ भरलोॅ केतारी जकां तोरोॅ प्राण
तोरोॅ देह
चमकतेॅ मोती नाँखि
हीरा के कण नाँखि धवल
तब तोरा सेॅ कैन्हे डरी केॅ
मछली नुकाय जाय छै
भीतर, एकदम भीतर
कैन्हेंनी कहुँ दिखावै छै
शोर मचैतेॅ चिड़ैयां
कहाँ अलापित होय जाय छै, तोरोॅ ऐथै
कोय पुआली तोॅर छिपै छै
तेॅ, कोय रजाय के भीतर।
शिशिर
तोहें जेहनोॅ उपरी सेॅ छौ
होनोॅ भीतरी सेॅ शायत नै छौ
तही सेॅ तेॅ
महीना-महीना आकाश के नीचे सूतैवाला किसान
दिन्हौ नुकैलोॅ रहै छै मोरको मेॅ
कनमुँहोॅ आँखी सेॅ देखतेॅ
तो रोॅ कुहासा के रन्थ केॅ।