भारत की संस्कृति के लिए... भाषा की उन्नति के लिए... साहित्य के प्रसार के लिए
देखी सक्दि त देखी ले / संदीप रावत
Kavita Kosh से
मन कि आँख्यून अफुथैं अफूं देखी सक्दि त देखी ले
घुप अँध्यरा मा बि उज्याळु देखी सक्दि त देखी ले |
भितर अपणा ल्वे बगद कै$न कब्बि नि देखी रे
भितर तेरा कतगा सक्या परेखी सक्दिपरेखी ले |
फेल-पास से कुछ नि होंद सबसे बड़ी करमों कि जात
हो आज मा तू भोळ अपणू देखी सक्दि त देखी ले |
अपणा हिस्सा को द्यू अफ्वीं यख बळण पड़द मेरा दिदा
कै$का सारा कब तै रैलो अफूं हिटीक त देखी ले |
दुख कि घाण दिक्क -पराण जीवन का हिस्सा -किस्सा छन
हो पीड़ मा बि आस देखी सक्दि छैयी त देखी ले |
