भारत की संस्कृति के लिए... भाषा की उन्नति के लिए... साहित्य के प्रसार के लिए
देवी गीत 6 / रामरक्षा मिश्र विमल
Kavita Kosh से
पूरिके चउक धइके कलसा अंगनवा बोलाईंले
माई चाहीं किरिपा के कोर , हम बोलाईंले.
भगतन के पति बेरि मनसा पुरवलीं
मान राखे खातिर अपना गोदियो खेलवलीं
चंड मुंड रक्तबीज महिषा के मरलीं
सुर नर मुनि भक्त सभके उबरलीं
दउरी में लाल फूल मलिया ले आइल
अछत चंदन सङे दवनी रङाइल
भरि गइल टोला आ पड़ोस से अङनवा
भरि आइल खुशी से विमल के नयनवा
