भारत की संस्कृति के लिए... भाषा की उन्नति के लिए... साहित्य के प्रसार के लिए
धन कि मन / मथुरा प्रसाद 'नवीन'
Kavita Kosh से
की खोजऽ हा धन कि मन
धन तो
हमरो पड़ोसी के बड़ी हे,
लेकिन धन पा के
घर भर पागल हे
एकर कौन जड़ी हे?
धन जे बढ़ावऽ हे,
ओकरा के नै
आँख पर चढ़ावऽ हे?
ई तो है अपा-अपी
तोरा की तऽ तोरा की,
एक दोसर के पीठ पर टपा-टपी
धन की नै करऽ हे,
देख रहला हे
कि धन ले
आपसे में लोग लड़ऽ हे
नै आबऽ हो आह
कि कैसें होबऽ है बेटी के बिहाअ
हम्हूं कैलूँ हें बरतुहारी,
बचलै खाली घर
आउ टीन के लोटा थारी
अब देखऽ ही
बड़का लोग अकबकी,
घरों पर लगल हे टकटकी
के हियाँ दिल दे हे?
बेटी के बिआह में
बेटा बाला
चमड़ी छील दे हे
जब आबऽ हे
अपन बेटी के बारी,
फेन ओकरो उहे बिमारी
ई दहेज
सब के देतो रसातल भेज
दमड़ी के व्यापार
गोर चमड़ी के व्यापार
अइसन अजनबी
बन गेले हे ई समाज
के कहऽ हे अनुभवी
बन गेले हे समाज?
