भारत की संस्कृति के लिए... भाषा की उन्नति के लिए... साहित्य के प्रसार के लिए
ध्वजा गीत / माँटी हिन्दुस्तान के / राहुल शिवाय
Kavita Kosh से
भारत के छै शान तिरंगा
लहर-लहर लहराबै ।
सबसेॅ ऊपर छै केसरिया
भोरे-भोर के लाली;
वीर शहीदोॅ के वासंती
गरिमा गाबै वाली;
बीच में उजरोॅ रंग प्रकाश के
सात रंग सेॅ बनलोॅ,
वेद ज्ञान सेॅ, नव विचार सेॅ
सौंसे जग मेॅ सजलोॅ;
नीचाँ हरा रंग बोलै छै
भारत रोॅ खुशहाली,
आरो चक्र कहै छै गरिमा
कभी नै मेटॅ वाली;
ई ते अपनोॅ उच्चोॅ कद सेॅ
देश के मान बढ़ावै,
भारत के छै शान तिरंगा
लहर-लहर लहराबै ।
रचनाकाल-15 अगस्त 2007
