नज़ाकतूं ऐं रखियमि केॾियूं रुग्बतूं दिल में! / अर्जुन हासिद

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन हासिद » मोॻो »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

नज़ाकतूं ऐं रखियमि केॾियूं रुग्बतूं दिल में!
अञा बि दर्द जूं गहरियूं के अज़्मतूं दिल में!

नसीब थींदी आ कंहिं कंहिं खे एॾी ख़ामोशी,
रखी थो केरु सघे हुअं नफ़ासतूं दिल में!

हुजे थो जे़हन में अहसास कंहिं त ख़ुशबू जो,
सलाम तंहिं खे, अथमि जंहिं लइ कुर्बतूं दिल में!

नज़र छुही थी सघे, जेसीं कंहिंजी चंचलता,
वुजूद तंहिंजे जूं रहन्दियूं अकीदतूं दिल में!

सुञाणि मूंखे मां माण्हू उन्हीअ ई मिट्टीअ जो,
सदियुनि सदियुनि खां जे तातिनि सक़ाफ़तूं दिल में!

नसीहतूं था ॾियो अमन जूं मुहबत जूं,
रखी किथे था सघो पर सदाक़तूं दिल में!

नज़र जो, लफ़्ज़ जो, हासिद तूं ज़हर पीअंदो रहु,
जीअण जे वास्ते घुरिजनि क़यामतूं दिल में!