भारत की संस्कृति के लिए... भाषा की उन्नति के लिए... साहित्य के प्रसार के लिए
पिड़ा की बोटिं राई अंग्वाळ दगिड़्या / शिवदयाल 'शैलज'
Kavita Kosh से
पिड़ा की बोटिं राई अंग्वाळ दगिड़्या
सुखै निन्द कबि नि पिर्वाळ दगिड़्या
फूलूं भेटणू अयीं छै प्वतळी
लीगीं सदनि कु जग्वाळ दगिड़्या
दिन मां रंग लेकि अयीं छै होरी
राति नि आई बग्वाळ दगिड़्या
गौं मा मंगणु छौ बल माया-भीख
मीम् नि ऐ वो फिक्वाळ दगिड़्या
नाड़ी वैद बणि मी कु वो ’शैलज’
जौंन पिलौ बि नि ठसवाळ दगिड़्या
