भारत की संस्कृति के लिए... भाषा की उन्नति के लिए... साहित्य के प्रसार के लिए
फरक.. / निशान्त
Kavita Kosh से
अेक
कस्बै रै बारलै पासै
ताल मांय
मोमियो कागद ताण्यां
आपरै परिवार साथै सूत्यै
बण मूंडो उघाड़’र
राम-रूमी करी
तो बीं रै चेळकै सांमी
म्हारो पड़ूत्तर
गम’र रैयग्यो ।
दो
रेड़ीआळै रै
दो-तीन बरियां
कैवण रै बावजूद
बीं नीं चाख्यो
अेक ई बेरियो
बिण तो बीं बाबू स्यूं ई
पूछ लियो
‘खाटा है क मीठा ?’
जको ठोक्यां जावै हो
दबा दब ।
