भारत की संस्कृति के लिए... भाषा की उन्नति के लिए... साहित्य के प्रसार के लिए
फेरू अैलै / सुधीर कुमार 'प्रोग्रामर'
Kavita Kosh से
लागै छै वोटाॅे के दिन फेरू अैलै।
वैसने पुरनका ठो सीन फेरू अैलै।
पाँच साल पहिनेॅं जे खैनेॅं छै किरिया,
ओकरा पर मारै लेॅ पीन फेरू अैलै।
केकरहौ पटाबै ले केकरहौ डेराबै लेॅ
नागिन सपेरा के बीन फेरू अैलै।
थोंथनों से लार-लेर गमकै छै गाँजा
घिन्ना बराबै लॅे जीन फेरू अैलै।
अखनी तेॅ जेरोॅ-भर गेलै तुरन्तेॅ
माथोॅ भुकाबै लेॅ तीन फेरू अैलै।
