बाबा कहिया बरसैबा / उमेश बहादुरपुरी

देखऽ सावन में जरऽ हे शरीर
ओ भोला बाबा कहिया बरसैबा तूँ नीर
कहिया बरसैबा तूँ नीर ओ बाबा
सूख गेलै तालअउ सूख गेलै तलैया
हाय-राम कइसन अयलइ समइया
बहे चाहे पछिया या बहे पुरबइया
सुख्लन नदी में कइसे चलतइ नइया
के हरतइ गरीबा के पीर।
ओ भोला बाबा ...

रिमझिम फुहार ले तरसऽ हे अँखिया
झूला पर बइठ के निहारऽ हे सखिया
गरजऽ हे ऊपर जब काली रे बदरिया
ढोलक झाँझ से गूँजऽ हे नगरिया
पुकारऽ हे राजा-फकीर
ओ भोला बाबा ...