भारत की संस्कृति के लिए... भाषा की उन्नति के लिए... साहित्य के प्रसार के लिए
मंगल-गीत / उमेश बहादुरपुरी
Kavita Kosh से
मंगल दिन हे माता के सब मिल के गाबऽ रे
मंगल दिन हे दाता के सब खिलके गाबऽ रे
नाचऽ गाबऽ खुसी मनाबऽ गम के कउनो बात नञ्
मइया के दर अइलऽ हें एकरा से बड़ सौगात नञ्
मंगल दिन नवराता के सब नचके गाबऽ रे
आँधी-तुफाँ अइतै नञ् नञ् छइतै कारी-बदरिया
सुन लऽ मइया के जयकारा से गूँजऽ हे नगरिया
मंगल-दिन जगराता के सब हिल-मिल गाबऽ रे
सुख में रहबै दुख में रहबै मइया के दर अइबै
जो कुछ भी हो जाये भइया हम तो मइया के गइबै
मंगल दिन जग-माता के सब उछल के गाबऽ रे
