मगह के माटी मे / उमेश प्रसाद

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश प्रसाद »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मगह के माटी में
लह-लह धान हे
सुनऽ गोरिया
नामी जेकर मगही पान हे
सुनऽ गोरिया
राधा आउ कान्हा
नीयन हमहूँ जोड़ी,
देखऽ मेहरी तरसे
गऊँआ के गोरा-गोरी ।
चेहरा तोहर लगो जैसे
पुनियाँ के चान हे ।
सुनऽ गोरिया
नामी जेकर मगही पान हे.....।
बुद्ध आउ महावीर के
धरती महान हे,
बगले बड़गाव में
सुरूज़ के स्थान हे,
कते-बेरी हार गेलन,
कृष्ण भगवान हे
सुनऽ गोरिया
नामी जेकर मगही पान हे.....।
माघ के जाड़ा
गरम राजगीर के धारा
दुनिया के मानुख ले
केतना हइ प्यारा ।
जन–जन के जिनगी ले
नयका विहान हे ।
सुनऽ गोरिया
नामी जेकर मगही पान हे.....।
भेलई निनानवे मे
कारगिल लड़इया,
होलइ शहीद कते
मगह के भइया ।
भारत मइया खातिर हमहूँ
होबइ क़ुरबान हे ।
सुनऽ गोरिया
नामी जेकर मगही पान हे.....।