भारत की संस्कृति के लिए... भाषा की उन्नति के लिए... साहित्य के प्रसार के लिए
मा (दोय) / राजेन्द्र जोशी
Kavita Kosh से
कूड़ो है औ संसार
इण माथै पाप री छियां है।
अबोट अर अछूती है
इण धरती माथै
म्हारी मा री छियां।
घणी अळगी है
पापी समाज रै चकारियै सूं
छळी-कपटी नीं आय सकै
म्हारी मा री छियां रै पसवाड़ै।
सुरग-सो दरसाव
जद मा घर मांय बिराजै
मा जद नीसरै घर सूं
घर खाली लखावै
घर, घर नीं रैवै
भाटां रो ढीगो लागै घर।
