भारत की संस्कृति के लिए... भाषा की उन्नति के लिए... साहित्य के प्रसार के लिए
मां: 5 / मीठेश निर्मोही
Kavita Kosh से
म्हनै बुलाय
धीजौ ई तौ
सूंपणी चावती ही
थूं।
थनै अर
थारी
कूख नै
औ
जतळायां
के
फगत
कस्टीज्यां ई
हरी नहीं व्हे जावै
मां री कूख।
दागल ई व्हे जावै
जद
जाया बिसरावै
पूत जिणियां ई
निपूती बाजै।
पण औ कांईं
म्हनै सांम्ही देख
ऊंडै हेज
थूं आपरौ आपौ
पांतरगी
मां !
तद इज तौ म्हैं
किणी मरसिया रै बणण सूं पैली
थनै रच लेवणी चावूं
मां
के
कदैई
औरूं नीं दागीजै
कोई कूख।
