भारत की संस्कृति के लिए... भाषा की उन्नति के लिए... साहित्य के प्रसार के लिए
मां हवाउनि खे जे ॾिसंदो आहियां! / अर्जुन हासिद
Kavita Kosh से
मां हवाउनि खे जे ॾिसंदो आहियां!
कंहिंजी भुणि-भुणि खे बि ॿुधंदो आहियां!
मुरिक सां से बि लताड़े था वञनि,
के घड़ियूं जिनि खे बि वणंदो आहियां!
मां हुजां सिर्फ़ थो पाछे वांगुर,
त बि किथे बाहि थी ॿरंदो आहियां!
जे़हन मुंहिंजे खे छुहणु सवलो आ,
कंहिंजी उण-तुण में त रहंदो आहियां!
तुंहिंजे विश्वास को आकार ॾिनुमि,
कंहिंखे पंहिंजो त न लॻंदो आहियां!
अंब जे ॿूर जी खटिड़ी ख़ुशबू,
इअं बि कंहिं अंग खे छुहंदो आहियां!
मूंखे हासिद जे तूं ॻोल्हणु चाहीं,
तुंहिंजो आवाज़ थी रुलंदो आहियां!
