भारत की संस्कृति के लिए... भाषा की उन्नति के लिए... साहित्य के प्रसार के लिए
मात्र एकदिन / नरेशचन्द्र खाती
Kavita Kosh से
एकदिन
तारा खस्दछ
र घामको चहकमा
जून बाँच्दछ ।
एकदिन मन पोख्दछ
र फूलको महकमा
जीवन हाँस्दछ ।
एकदिन
शीत पर्दछ
र प्रीतको बहकमा
गीत रच्दछ ।
एकदिन
रीत अल्झन्छ
र अतीतको टहकमा
जित हार्दछ ।
एकदिन
हात टुट्दछ
र साथको चहकमा
पात झर्दछ ।
एकदिन
रात फैलिन्छ
र जीवनको मोहकतामा
कविता मर्दछ ।
