भारत की संस्कृति के लिए... भाषा की उन्नति के लिए... साहित्य के प्रसार के लिए
मृत्यु–सौन्दर्य / ध्रुवकृष्ण दीप
Kavita Kosh से
मानिसको मृत्यु पनि
सिर्जनाजस्तै सुन्दर हुन सक्छ
मात्र एउटा फूलको विश्वास
रोपिदिन सक्नुपर्छ हामीले यसमाथि
मृत्युमा पनि नीलकमल
फुल्न सक्छ सरासर ।
देवताको स्वर्ग पनि त आखिर
मान्छेकै सपनाबाट सुरु हुन्छ
मात्र अलिकति
क्षितिज उठाइदिन सक्नुपर्छ हामीले
चन्द्र–सूर्य दुवै
हाम्रै आँखाबाट उदाउन सक्छन्।
मानिसको मृत्यु पनि
सिर्जनाजस्तै सुन्दर हुन सक्छ ।
मात्र एउटा फूलको विश्वास
रोपिदिन सक्नुपर्छ हामीले यसमाथि ।
