भारत की संस्कृति के लिए... भाषा की उन्नति के लिए... साहित्य के प्रसार के लिए
रितु शरद में कौन अतिथि / रवीन्द्रनाथ ठाकुर / सिपाही सिंह ‘श्रीमंत’
Kavita Kosh से
शरद रितु में
कवन अतिथि आके
आज हमरा प्राण का दुआरी
ढाढ़ हो गइल बा?
गाव रे आनंद गीत गाव
हे हमार हृदय
आनंद गीत गाव।
नील गगन के नीरव संकेत
नील आसमान के गुपचुप बतकही
आज अपना वीणा के तार-तर से बजे दे।
आज धनखेती सब
सोनहुला गीत गा रहल बा
तेहूँ ओह गीत का सुर में
आपन सुर मिलाके गाव।
भरल नदी के निरमल नीर में
लहराए द आपन सुर झंकार।
तोरा दुआरी जे आइल बा
ओकरा मुँह पर देख ना
जे कतना सुख छितराइल बा
खोल आपन दुआरी
लाग जो ओकरे साथे
निकल रे बाहर निकल
खोल के दुआरी निकल
ओकरे साथे चल।
