भारत की संस्कृति के लिए... भाषा की उन्नति के लिए... साहित्य के प्रसार के लिए
लाजऽ नै लागै छै / खुशीलाल मंजर
Kavita Kosh से
सब गत पूरी गेलऽ तोहरै घरऽ में
लाजो नै लागै छौं कोय घरऽ में
की हलगल करीकेॅ पार लागै छऽ
जरलऽ देहऽ केॅ की जरा छऽ
सभ्भै लं हाँकै छऽ खालिये डींग
हेनांकेॅ जैतौं केनांकेॅ दिन
की घुरफुर करै छऽ खालिये एँगना में
सब गत पूरी गेलऽ तोहरै घरऽ में
हाथी पर चढ़ी केॅ नैं करऽ बराबरी
केनांकेॅ चलतौं है रं अटेमरी
जेनांकऽ नांचै छै लंगटा हजार
उठतेॅ-बैठतेॅ करै छऽ कचार
मऽन करेॅ मरी जाँव भरले जवानी में
सब गत पूरी गेलऽ तोहरै घरऽ में
बातऽ बातऽ में की सान झाड़े छऽ
बाप दादा उटकीकेॅ ताखा पर राखै छऽ
हरदम उड़ाय छऽ हमरे उलाफऽ
सुसुर मुसुर लागै छऽ बच्चा रं लाफऽ
खाली बिस उगलै छऽ बातऽ बातऽ में
सब गत पूरी गेलऽ तोहै घरऽ में
लाजो नै लागै छौं कोय घर में
