भारत की संस्कृति के लिए... भाषा की उन्नति के लिए... साहित्य के प्रसार के लिए
वहीं रावणोॅ केॅ संहारौ भी पारेॅ / अमरेन्द्र
Kavita Kosh से
वहीं रावणोॅ केॅ संहारौ भी पारेॅ
अहिल्या केॅ जौनें कि तारौ भी पारेॅ
बसैलेॅ होलोॅ छै जे हिरदय में चंदन
वहीं साँप देहोॅ पेॅ धारौ भी पारेॅ
ई कलजुग छेकै आचरज कुछ नै करियोॅ
पुजारी सुरोॅ केॅ मुचारौ भी पारेॅ
जे इक इक घड़ी में उठै लेॅ छै व्याकुल
ई सोचलौ केना दिन गुजारौ भी पारेॅ
जे चंदन, सुगंधि-शीतलता केॅ दै छै
रगड़ला पर जंगल केॅ जारौ भी पारेॅ
मलकोॅ चलोॅ नै रूठी केॅ अमरेन्दर
घुमी केॅ रुठबैय्या पुकारौ भी पारेॅ
-20.6.61
